مباراة يومية بين الشرطة والشوفيرية

من طرف sweetboy السبت سبتمبر 26, 2009 7:57 pm

--------------------------------------------------------------------------------

مباراة جميلة و رائعة تلعب يوميا 24 ساعة في اليوم سبعة ايام في الاسبوع صيفا شتاءا "
و الله اعلم انها حصرية عنا عشان هيك انا زعلان مشان الاخوة البشر من الدول الاخرى انهم ما راح يقدروا يشوفوها لانها ما بتنقل (بتروح طعمتها)
و يلي بدوا يتفرج اهلا و سهلا فيو في ستاد "شوارعنا " الدولي

الآن ريثما يتم تجهيز تقرير متلفز مكتوب سوف اشرح للذين لا يعرفوا هذه اللعبة القواعد و اسلوب اللعب
اولا مكونات كل فريق
الفريق الاول شرطة المرور : المميز بفريقهم انه لا يوجد كبتن للفريق موجود في ساحة الملعب و انما اللعب شبه فردي و المستعجب انه هو الحكم (اللاعب الفردي)و فيه بعض صفات الصالحين مثل الامانة و الصدق بالتعامل الفريدين
يتكون فريق الشرطاويين من شرطي او شرطيين و معهماا آليه ماتور او سيارة فيها مــــــــــا فيها لا مثلث و لا حزام امان و لا حقيبة اسعافات و لا طفاية حريق ولا شكلها صالح للاستخدام البشري بس من حيث المحرك و علبة السرعة و نظام الشنكلة تكون دائما في اتم استعداد للبدء الهجوم و قد زُود اللعيبة الشرطاويين ببعض الاكسسوارات مثل الصفيرة و دفتر المخالفات و عصاية و طاقية و جيبة وسيعة كثييييييييييييييييررر
و قد دعمهم المدربين باشارات الضوئية في كافة انحاء الملعب

الفريق الثاني الشفيرية (و ينقسم لعدة شرائح )

شريحة شفيرية السرافيس و هم حصرا ذكور بسبب انهم بالخطوط الامامية و يتميزون بسرعة الاستجابة و البداهة و الحربئة والنباهه و القدرة على دحش 20 واحد بالسرفيس شلون ما كان و كمان لا انسى الاخلاق العالية و النموذجية (حبايب القلب )

شريحة شفيرية التكاسي و هم ايضا ذكور حصرا و ذلك بسبب موقعهم المؤازر لشفيرية السرافيس و لا يتميز بعضهم بالطمع و الجشع غير الطبيعي ابدا ابدا ((( لولا أثار العيب و الحيا قالولك هات كلشي معك مصاري (و طبعا هلحكي افتراء و تبلي و كب شر و فذف للمؤمنات المحصنات الغافلات) ))) تتميز هذه الشريحة باللباس الموحد الاصفر و كمان حرابيئ يعني من وين ما رنيتهم راح رينوا و وين ما رميتهم بينزلوا واقفين على اقدامهم مثل القطط بس القطط معها 7 ارواح بينما جماعة الصفر معهم 70 الف روح
نسيت اقول انو و كمان مو نزقين

شريحة شفيرية البلدوزرات و الرافعات و سيارات الشحن و البولمنات و هم ايضا من الذكور حصرا و يتميزون بالخلاق العالية و الثقافة الواسعة و القدرة على الستيعاب الغير و الحل الامور سلميا و دبلوماسيا حتى ان بعضهم قد شارك في مؤتمرات حرب دلحس و الغبراء و حرب البسوس و لولا جهودهم لما حلت مشكلت هذين الحربي
و العناية الفاااااااااااااااااااائقة بالزبائن

شريحة شفيرية السيارات الخاصة و يتراوحون بين الذكور و الاناث و تتعدد ألوانهم و اسعارهم يعني اسعار سياراتهم يعني مو لون موحد و هون ما بقدر احكي لانو الحالات اكثر من نجوم السما و كمان مو كثير حرابيئ مقارنة بجماعة الجرادين(المكاري) و الصفر (التكاسي)

صار التقرير جاهز
|
|

معكم من موقع مراسلة شباب سوريا سايق مسيوق الشفيري

الآن الاشارة حمراء و قد بدأ العد التنازلي للانطلاق و هاهم شفريريتنا الاشاوس مستعدين للنقضاض على الطريق 3 2 1 0 كلهم علقوا اول و دعسوا اما بانزين او مازوت و البعض غاز عالاخير كانو بداية رالي و انطلقوووووووووووووووا
و لكن بشكل مفاجئ شي ما عكر جو السباق
نسمع صافرة العمو شرطي فيعرف المعني بهذه الصافرة نفسه و يتوقف بعنف على جانب الطريق امامي(حسيت كأنو يلي بالسرفيس صاروا كوكتيل من قوة الفرام) ياخذ الشفير معهه الميكانيك (عارف اللعبة)
(بس لحظة في شغلة حطها بقلب الميكانيك شكلها كأنها ورقة)
المهم ها هو يذهب الى الشرطي و هو يتمتم بكثرة بس لما وصل لعند الشرطي فجأة اصطنع ابتسامة اكبر من السرفيس (تمو راح ينشق من ابتسامة ) سلم على الشرطي و اعطاه الميكانيك و ألقى العمو شرطي نظرة باحثة (الله اعلم عن شو)في داخل الميكانيك و رجع الميكانيك للشفير (مبين سامحه للشفير و الله شرطي روعة)
رجع الشفير الى سرفيسه و هو يتمتم ركب بالسرفيس و خبط باب السرفيس خبطة يااااااااااااا لطيف (مبين قزاز الباب ضد الرصاص)
("ليش هيك معصب يا زلمة ما الشرطي سامحك و رجعلك الميكانيك" يقول احد الركاب الدراويش المغولوب على امرهم
"سامحني ؟؟؟ اخو ............ بدي اللع ........." يجيب الشفير بغضب و يقول الكثير من المدح النثري ربما المرة القادمة سيقولها قصيده مدح ) و يبتعد السرفيس

الان تمر تكسي صفرا من امامي بس مبين عليه شفيرها مو مصلي على النبي(
"تكسي..... بدك ....تكسي اركب .....زاركب "يقولها شفير التكسي بسرعة خارقة لم اتذكر شيء من كلامه "شكرا عمي ما بدي تكسي عم استنى رفيقي" انا
"بالناقص "شفير التكسي
لاحول و لا قوة الا بالله الله يطول بالهم
)

في مكان اخر كنت مع احد اصدقائي في سيارته و فجأة لا اعرف من اين خرج الشرطي كأنه جني و صفر (عرفتو ليش السوريين بتزاولوا من الصفيرات)
نزل صديقي من السيارة و ذهب لعند العمو الشرطي
("ليش مو حاط حزام الامان" الشرطي عيونه جميلة كعيون الثعلب
"انا و الله كنت حاطو الله وكيلك روح شوف اذا رفيقي جنبي و حاط حزام الامان معقول اني ما كون انا حاط الحزام !!!!" صديقي
"اي اي اي خلص ماشي بس روح جيب شهادتك و الميكانيك يلا بسرعة تحرك "الشرطي كأنو بالكلام بذيء
"اتفضل يا معلم هاي الشهادة و هاي الميكانيك كلو نظامي " صديقي
"فاضي !!! ما في شي!!!!!؟ بسيطة طيب ماشي ليش ما في طفاية حريق و ما في حقيبة اسعافات و ما في مثلث و كمان ليش هيك سيارتك وسخة ما بتعرف انو في مخالفة 2000 ليرة عسيارة الوسخة" الشرطي النظيف يلي سيارتو مثالية
هون رفيقي ترك كلشي و ركز على شغلة انو السيارة وسخة .. بس انو السيارة وسخة اي الصبح كانت بالمغسل
" السيارة وسخة ؟!!!!!!! اي اليوم الصبح كانت بالغسل شو هتبلي ما في حقيبة و مثلث و طفاية آمنا بس وسخة!!!!!!!!!!"صديقي
سحب الشرطي النظايفي محرمة بيضا من الجيبة و مسح على سقف السيارة
" شايف شلون وسخة ؟؟؟؟ لا تجادلني (بغضب) المحرمة كانت بيضاو هلا تغير لونها صارت مو بيضا تماما على كل حال راح اكون معك احسن منك (فوق حقو دقو) و راح اخالفك بس عشان النظافة و الحقيبة و الطفاية و المثلث ما راح ادور عشغلات ثانية مو فاضيلك وراي شغل كثير "الشرطي الاكابر و الكريم )
عارف و الله عارف شو بدكم تقولوا انو ما كان رفيقي حربوئ و حط ورقة بالميكانيك بس اااااااااخ بس لو اعرف شو مكتوب بهلورقة

و تستمر المباراة الا ان يشاء الله ان تنتهي

من طرف roooor الأحد سبتمبر 27, 2009 1:48 am

مباراة يومية بين الشرطة والشوفيرية 109156

يعطيك العافية sweet boy
بس لو مكبرلنا الخط شوي لانو انهرت عيوني وانا عم اقرأها

مباراة يومية بين الشرطة والشوفيرية

مباراة يومية بين الشرطة والشوفيرية

رد: مباراة يومية بين الشرطة والشوفيرية