مسرحية بعنوان مزة جبل كراجات......

من طرف ميزو الميلاني الجمعة سبتمبر 19, 2008 8:57 pm

هذه مسرحية يعيش تفاصيلها معظم مواطنينا يوميا في دمشق و المدن المكتظة بالسكان في هذا الوطن الحبيب و قد وصل النص ليدي وأحببت ان انقلها لكم
tongue

بدأ العرض: iuyyy

يقوم المواطن البريء بمد اصبعه بكل براءة لباص المزة جبل hehe

فيهجم شوفير الباص عليه هجم والا شوي رح يدعسو يصعد الاخ المواطن ويستقبله المعاون بابتسامه عريضة وبقلو هااااااات tyrhgfh

يمد المواطن يده لجيبه وبطلع سبع ليرات (كانت خمسة بس مو ارتفع المازوت صارت سبعة )
بطلع فيه المعاون وبقلو خمصطعش rendeer

لك ليش خمصطعش think

اي هي بطاقة ذهاب اياب
وبركي انا رايح روحة بلا رجعة
تصطفل المهم هات خمصطعش وبلا علاك (اذا سمحت ) evel

المهم بيعطيه المواطن الخمصطعش ليرة مع انو مو مقتنع
وحتى لو ذهاب اياب بيطلعلة ليرة iuyyy

لانو 7+7 = 14 !!
بقول المواطن لحالو يالله مو محرزة وبطلع هيك بدو يقعد على شي كرسي (والله يجعلو كرسي )
بطلع بشوف كرسي مالو ضهرية وكرسي مالو جلد وكرسي مالو دعامات حديد وكرسي ماهو كرسي ونص كرسي وذكرى عصابة الكف الحديدي وذكرى من ابو عزاب خيال الزرقا وبحبك موت يا لولو وذكرا الشجعان الثلاثة وأرقام موبايلات حدث ولا حرج والمفاجأة الاحلى والاروع انو مابلاقي ولا كرسي فاضي elephant

امرو لله رح يضل ع الواقف وبيسند ضهرو ع زيق الشباك ولا بلاقي مأنشح أنشحة متأنشحة (هذا ان وجد الشباك )قد يكون الباص صيفي بدون بلور يعني
يتمسك المواطن بالعامود الفلتان اللذي فوقه حتى ما ينطبش confused

وفجأة فرام قوي بيوصل الاخ المواطن لجمب الشوفير وبقلو مرحبا
بيطلع شي تليتين اربعين خمسين سبعين ميتين راكب وما بضل محل لا لمسك العامود الفلتان ولا لسند الضهر ع الشباك اللي الله يجعلو شباك وبصير الاخ المواطن في عداد المفقودين Slhjg

نزلنا ع اليمين لو سمحت
جمله يطلقها احد الجالسين على عرشه المزخرف فتنطلق العيون على العرش للانقضاض عليه عله يستريح قليلا
ولحسن حظ اخونا بكون واقف فوق راس صاحب العرش وينقض على الكرسي وكان هذا اعظم انتصار له اليوم
يجلس السيد المواطن ويتفاخر ويجاكر اللي حوليه وللصدفة يكون الكرسي فوق الاشطمان (مكان خروج الدخان من الباص ) bounce

ينظر المواطن فيرى اعجوبة..رسماً فنياً ساحراً خطتها اجر الشوفير الحنون
يرى الاشطمان يجعر الدخان الأسود جعر..اسود كحلي نيلي متل مدخنة المعامل يخنق كل من يمر من جانب الباص
غمامة سوداء تحرق الأخضر واليابس ..طاعون سل جرب ايدز كوليرا Slhjg

ويضحك المواطن من سيارة مرت بجانب الباص وهو يسعل ويلعن ويسب ومن ثم يغلق شباك سيارته تلافيا للدخان بعد ما التعن ابو فطاسو
ويتابع الباص رحلته المسلية sunny

وبعد شي خمسين..ستين وقفة ووقفة وجعر وعننننننن عن عننننننن
بيطلع المفتش
تزاكر تزاكررررررر تزاكر يا حباب
تفضل هي تزكرتي
تاني مرة لا تطعوج التزكرة yuytii

حاضر
بينزل المفتش وبرجع بقلع الباص بعد ما يرجججججج كل الباص وتستمع الى صوت رجيج البلور مع المعدن وتنخض مصارين الركاب ويختنقو من ريحة بارفان الاشطمان.. kicked

وماهي الا ثواني وبيطلع مفتش تاني
وثالث ... الخ
بعد ذلك يخطر ببال الشوفير بعض الطرب لترفيه الركاب يعني
يشغل المسجلة اللتي تخشخش على غنية تع بورد تع بورد تع تع بورد تع بورد تع الاصيلة sing

و صوت البفل المبخوش يلعلع بحنية آسرة
ياسلاااااااااااااااااااام شي رائع
وبينما الاخ المواطن مطروب تقف امامه امرأة عبتتلولح يمين شمال فتتحرك به نخوة الشباب
تفضلي خاله استريحي..
الله يرضى عليك يا ابني ولا يضيمك
اهلين حجة
ينظر المواطن بنفسه ويقول لقد خسرت العرش elephant

بعد شوي بصيح المعاون النخونجي
قعدو هالحريم ياشباااااب قعدو هالحريم
بطلع بلاقي كل الكراسي قاعدين عليها حريم والرجال واقفين ع الواقف..مابقى غير ينزلو الشباب ويكملو مشي لحتى تحظى النساء بفرصة ع الواقف geek

ثم يبعق المعاون والشوفير سويا
لقدام يا شباب قدمو لقدام الباص فاضي
اووووووف وصلنااااااا نزلنا ع اليمييييييييييييييييييييييييييييييييييييييين اذا سمحاااااااااااااااااااااااات بيبعق المواطن بعقققققققققققق مشان يصل الصوت للشوفير study

وبعد قطع اتنين كيلو متر بقول الشوفير حدا نازل؟؟!!
يخفق قلب المواطن ويقول للشوفير اي خيو اي نزلنا كرمال الانبيا
تفضل (مع التحفظ )
يقف الباص نص وقفة مشان ما يوقف ويطفي معو الباص
ولسا ما بيلحق يحط المواطن اجرو ع الارض بدوس الشوفير مازوط وبيدعكل السيد المواطن المحترم ع الأرض ويغطى بغمامة دخان الباص الاسود
فيقوم السيد المواطن المحترم وبنفض تيابو وبيمشي متبخترا متناسيا الذل اللذي عاشه لفترة ساعة كاملة