الأماني النسائية

من طرف **Black Sky Star** الثلاثاء مايو 27, 2008 9:54 pm

اكتشفت سيدة مصباحَ علاء الدين , وفركته بحماس فخرج منه الجنيّ صائحا :
ــ شُبـّـيك لبيك عـــ ..

ــ سيبك من الكلام ده , احنا حفظناه خلاص , أنا عاوزة اقول التلات أمنيات بتوعي بسرعة ..

ــ ماشي كلامـِـك , بس الأماني عشان تتحقق ليها شرط ..

ــ خير , اللهم اجعله خير
ــ أي حاجة تطلبيها لنفسك جوزك حياخد منها عشر أضعاف ..

ــ يا راجل !! خضتني .. موافقة طبعا , أنا عاوزة أبقى أجمل ست في العالم

ــ حاضر , بس خدي بالك : جوزك هيبقى أحلى راجل في العالم هوة كمان , والستات هتجري وراه ..
ــ وإيه يعني .. ما هوة موش هيلاقي فيهم أحلى مني , نفــّــذ وانت ساكت ..

ــ أمري لله .. جلا جلا , وفي ثواني بقت أحلى ست في العالم ..
ــ الطلب التاني , عاوزة أبقى أغنى ست في العالم ..

ــ بس خدي بالك , جوزك هيبقى أغنى منك عشر مرات ..

ــ انت بتتكلم كتير ليه ؟؟!! هوة فيه فرق بين فلوسي وفلوس جوزي ؟ !
ــ حاضر : جلا جلا .. وفي ثواني بقت أغنى ست في العالم ..

ــ الأمنية التالتة : أنا هطلع المستشفى دلوقتي حالا , وأول ما أوصل عايزة تجيني أزمة قلبية خفيفة
lol!